مقالات

مشاكل الناس.. تفاعلوا معهم ليتفاعلوا معكم.. جمعية ودايرة

‎مشاكل الناس : المشكلة 1

أنا عمري ٣٢ سنة. كنت أنا وزوجي مخطوبين لمدة 3 سنين وبعدين زواج سنة واحدة وما عندناش أولاد..
السنة مرت كلها مشاكل وخناقات، وسب وشتيمة وضرب في كثير من الأحيان وتعنيف… بس في كل مرة
بيقول أنه بيحبني وكدا وأنا كمان بحبه.. في آخر مرة كنت مريضة وسبني وشتمني عشان شغل البيت،
وقال لي روحي امرضي عند أمك أنا مش حشيلك.. حزت في نفسي اوي…

‎أنا عند أمي من أسبوع وكنت عاوزه اطلق… بس اعتذر وصالحني بس على البارد كدا… أنا مشكلتي دلوقتي
أنى مش حاسة بالأمان أنا خايفه منه يأذيني أكثر.. هو كلامه جارح….

‎وفي نفس الوقت خايفة من الطلاق.. مش عايزه أبقى لوحدي… أنا دلوقتي ربة بيت،
بس عندي شهادات كنت بشتغل قبل الخطوبة.. بس خايفه من كل حاجة.. أعمل أيه؟

 

ـــــــــــــــــــــــــــــــــــــــــــــــــــــــــ

 

مشاكل الناس : المشكلة 2

من فضلكم من غير اسم ولا بيانات.
تعملي أيه لو أهل جوزك أتهجموا ع شقتك وضربوا جوزك علقه وبهدلوكي وطردوكي وشتموكي؟ .. بس مرضناش نمشي لأن الشقة جوزي اللي بانيها.. المهم بعد الخناقة ما خلصت مش طايقه اقعد ف الشقة، كرهتها، وكرهتهم، وكرهت جوزي.. مش راضي يعيشني معاه ف القاهره مكان شغله، وأنا خايفه اقعد ف الشقه ليبهدلوني.. ورحت لبابا.. وبابا خيره بين أنه ياخدني معاه وبين الطلاق.

كل ده عشان موافقتش انه ياخد دهبي، ويشارك أبوه هو أصلاً مش محتاجه، بس حسيت بغدر وفي النهاية طلقني مرضيش ياخدني القاهرة وأنا مش قادره أعيش ف البيت وحدي وحياتي مهدده بعدم الاستقرار وعدم الاحترام. بس أنا بعد الطلاق ضميري بيأنبني إني مبعتش الدهب.. مش عارفه أنا صح ولا غلط ولا ايه. ولا هو كان لازم ياخد موقف بعد ما ضربوه وكسروا حاجات ف الشقة. وياريت تتحسبنوا معايا علي كسره قلبي وخراب بيتي.

 

ـــــــــــــــــــــــــــــــــــــــــــــــــــــــــ

 

مشاكل الناس : المشكلة 3

 

‎السلام عليكم
‎الموضوع أني اتخطبت لواحد ملهوش اى تجارب قبل كده.. خام يعنى مش بيعرف يقول كلمتين على بعض، وخجول جدآ ولما اكلمه فون آخره يقول لى “أزيك عامله ايه” وبس! .. أنا عايزاه يتكلم ويفتح مواضيع عشان اعرف شخصيته ويتعرف عليا اكتر.

‎أنا كمان شخصية خجولة بس مش للدرجادى، والفروض هو راجل تكون شخصية قويه كده ويعرف يتكلم عادى.

مش هعرف اكمل معاه كده وخايفه أسيبه أتخطب لحد مش كويس أنا كل اللى عايزاه يتغير وشخصيته تبقى اشجع من كده.

ياريت اعرف راءيكم بكل احترام من غير ترايقه وشكرآ

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *